樂天皇朝 (利舞臺廣場) (已搬遷) 新店位置

檸檬薏米水 $16可以美白去水腫，而且唔會太甜，比起飲汽水更加健康。羅漢果茶 $16潤喉化痰，飲得出係羅漢果天然嘅甜味。李白醉雞 $78雞肉嫩滑，而且好入味，充滿酒香。陳皮五香牛肉 $62牛肉肉質彈牙，味道香濃惹味。麻醬油麥菜 $62好少會時見到生食油麥菜，配麻醬食，清新得來唔會有草青味，啱晒食濃味嘅上海菜。京醬肉絲配薄餅 $85太重口味，食唔慣，薄餅大概有10件。皇朝小籠包 $108色彩繽紛，好吸睛，不過始終都係覺得原味最好食。小籠包做到皮薄，湯汁豐富。竹筒剁椒魚片 $128係水煮魚嘅健康版，香辣惹味得來唔會油膩，而且份量十足。