合十 (已結業)

位於觀塘工廠大廈入面的一間頗大既Glamping Theme Cafe，有室內有室外，識揀一定係揀坐戶外享受一下渡假氣氛，同時享受一下少少私人空間，適合情侶、閨蜜去chill下，影下靚相。▫️牛油香草白酒蜆黎到個下都幾香，幾吸引，牛油味道夾白酒味道都幾均勻，蜆大大粒。▫️大阪燒薄餅幾新穎既配搭，將大阪燒既材料擺上去薄脆pizza上度，有味道得黎，無原本大阪燒咁飽肚，多左香口感。▫️巨型豬扒配薯菜嘩真係好巨型，肉質都好嫩，唔係嚡熠熠，不過一個人真係會食唔哂架，女仔可以同人share，咁先試到其他野食架嘛▫️阿婆的秘密個名好搞笑，見佢紅茶底就打算試試，仲有蘋果蜜、檸檬汁，感覺幾fresh▫️法式焦糖燉蛋咖啡聞落去好香呀，似到十足，飲落去甜度適中，但又無破壞到咖啡原有既味道總括黎講，合十係值得一試既工廠cafe。