打卡都岩我嘅，唔使等好耐，就試試佢囉！
烤銀鱈魚西京燒定食$158
配自家醃漬蔬菜、本地種植小菜
我叫左呢個，原因係魚我係唔會自己煮，而豚肉呀素麵呀我都識得整😅
講返呢個魚！賣相OK靚，味道都可以，銀鱈魚整得幾嫩滑，配埋個白味噌汁幾夾！
醃菜就偏酸啦！銀鱈魚上面個支野更加係酸到開唔到眼😂
山葵涼拌豚五花配茶漬飯$130
餐送到嘅時候茶已經加左係飯度，同想像嘅唔同😂唔係應該自己加的嗎？！
豚肉爽口，味道OK，山葵味唔算話十分突出！
日本蜜柑本地蜂蜜梳打$64
呢個有驚喜，好飲！
蜜柑味香甜！
招牌Homemade lemonade $48
簡稱：偽G&T
味道係有一點特別，但就唔似G T味既😅
總結下呢間打卡熱店啦！打卡係一流架，食物中規中矩，飲品有驚喜！試一次無妨！
