影片
更多
2024-03-31
827 浏览
💰Total $556 HKD/ 3人 HKD (午市)~~~~~~~~~~~~~~~~~~~~~~~~~~~~~~早两日约左屋企人去沙田饮茶，我就决定带佢地去我之前食过一次嘅餐厅《唐宫小聚》，呢度嘅点心非常打卡able，除左点心，仲有唔同嘅小炒甜品等。建议来之前都打去/whatsapp 订定座先，因为当日系星期三平日午市，入座半小时后都坐满左。~~~~~~~~~~~~食物介绍~~~~~~~~~~~~🤩萝卜丝蝴蝶酥 (HKD 59)呢个系用油酥皮包住白萝卜丝嘅一款点心，萝卜丝食落唔会有渣同苦涩味，而调味都恰好，食完都唔会好口渴。个人几欣赏佢酥皮，食落酥脆，但又唔会一夹就散。🤩沙田乳鸽 (HKD 49)唐宫嘅其中一款招牌菜就系乳鸽，上枱前厨房预先剪开左一半，并附上手套俾客人可以用手拎住食。刚上菜食个时大家要小心，因为咬落乳鸽嘅肉汁就会流出，小心会「辣亲」嘴。乳鸽嘅肉好嫩滑，充满肉汁，再加上即过即整，上到枱都系热辣辣，皮脆肉嫩。🤩非常山竹 (HKD 59)望落非常似山竹嘅一款点心，佢嘅外皮包系用糯米粉制成，然后上面插上一枝朱古力百力枝去模仿山竹椗。佢嘅馅系龙虾汁及蟹肉混合而成，但我食落觉得
💰Total $556 HKD/ 3人 HKD (午市)
~~~~~~~~~~~~~~~~~~~~~~~~~~~~~~
早两日约左屋企人去沙田饮茶，我就决定带佢地去我之前食过一次嘅餐厅《唐宫小聚》，呢度嘅点心非常打卡able，除左点心，仲有唔同嘅小炒甜品等。建议来之前都打去/whatsapp 订定座先，因为当日系星期三平日午市，入座半小时后都坐满左。
~~~~~~~~~~~~食物介绍~~~~~~~~~~~~
🤩萝卜丝蝴蝶酥 (HKD 59)
呢个系用油酥皮包住白萝卜丝嘅一款点心，萝卜丝食落唔会有渣同苦涩味，而调味都恰好，食完都唔会好口渴。个人几欣赏佢酥皮，食落酥脆，但又唔会一夹就散。
🤩沙田乳鸽 (HKD 49)
唐宫嘅其中一款招牌菜就系乳鸽，上枱前厨房预先剪开左一半，并附上手套俾客人可以用手拎住食。刚上菜食个时大家要小心，因为咬落乳鸽嘅肉汁就会流出，小心会「辣亲」嘴。乳鸽嘅肉好嫩滑，充满肉汁，再加上即过即整，上到枱都系热辣辣，皮脆肉嫩。
🤩非常山竹 (HKD 59)
望落非常似山竹嘅一款点心，佢嘅外皮包系用糯米粉制成，然后上面插上一枝朱古力百力枝去模仿山竹椗。佢嘅馅系龙虾汁及蟹肉混合而成，但我食落觉得有啲似粟米肉粒。
🤩黑天鹅 (HKD 69)
非常靓嘅一款点心，用酥皮点心作天鹅身，再用饼干条作天鹅颈同头。其实佢系一款类似韮菜盒子嘅点心，味道无乜特别，但外形够晒靓。
🤩三文鱼苹果酥🍏 (HKD 69)
咬落酥皮后会食到轻轻的苹果味，但奈何内面馅嘅味道令人失望，首先三文鱼食落似系整熟咗嘅烟熏三文鱼，但三文鱼欠缺调味，再者入面有偏重嘅肉桂味，未必个个都啱食。
🤩黑金流沙 (HKD 59)
顾名思义就系大家食开嘅流沙包，一搣开立刻流出奶黄，但略厌偏重炼奶味。
🤩煸四季豆 (HKD 89)
几惊喜嘅一份小炒，够镬气，但又唔会太油腻，调味唔会太咸，份量一啲都唔小器。
🤩得意小猪🐷(HKD 39)
最后就决定叫呢度嘅招牌甜品《得意小猪》，佢系一款以小猪为造型制成嘅奶冻，十分得意，口感比起出面嘅奶冻偏硬身少少，应该系因为制作造型嘅需要，味道就较淡，有微微嘅奶香。
~~~~~~~~~~~~~~~~~~~~~~~~~~~~~~
💰价钱合理
🍵饮茶食饭嘅好地方
👍个人觉得小菜嘅味道比点心更出色
📸食物非常打卡able
🤵🏻服务OK
张贴
