우리 (已結業)

上ig見到呢間係長沙灣新開試業中嘅韓式cafe, 見今日放假得閒就去試下, 一去到佢個歐洲復古風設計嘅門口已經好吸引. 有張長bench嘅打卡位. 去嘅時間大約2點半, 全間餐廳已經坐滿左人, 等左大約三張枱左右先入到. 不過都ok. 叫左份韓國早餐,都幾有特色,有午餐肉,蛋捲,泡菜等韓國元素, 味道都非常不錯, 睇得出佢哋嘅創意同用心, 而咖啡方便就偏nutty, 正合我嘅口味.特別一讚職員態度有善,會行埋黎問覺得食物飲品點樣. 整體高分,值得再黎！