麻辣風雲 (京都廣場) (已結業)

好少食川菜嘅我，都不得不讚呢間麻辣風雲，啲食物除咗打卡一流，仲好好味👍🏻🥢前菜 $9/碟 x 2店員率先拎咗兩碟前菜俾我哋，分別係有啲紫菜醉嘅香脆花生同好耐無食過嘅中華沙律，兩樣都簡單得又好食😋🐟酸菜魚 $268我哋揀咗小辣小酸，味道剛剛好，做到麻而不太辣！除咗麻香，仲有陣疑似檸檬味好清新👍🏻酸菜唔會酸到你皺曬眉頭，魚片真係嫩滑到不得了。此外，呢一大盤酸菜魚入邊仲有好多配料，比如金菇、豆卜、芽菜、萵筍、薯粉，好食到我停唔到口🤤🤎炸饅頭 $58酸菜魚都好正，但我會更加推薦炸饅頭，因為佢唔辣，而且外層金黃香脆，饅頭識落超級軟熟，點埋煉奶更加好食，真係老少咸宜，人見人愛❤️炸饅頭仲要坐諸葛先生首戰船伴以乾冰出場，霸氣十足💪🏻💚涼拌萵筍 $58食完啲重口味嘅酸辣嘢，食返呢個好清新嘅涼拌萵筍就啱晒，因為佢除咗新鮮爽脆之外，味道都相對清淡，可以中和返啲重口味嘢嘅油膩感😊🥒陳醋手拍青瓜 $48呢個比起涼拌萵筍會惹味啲，除咗食到青瓜嘅爽脆，仲會品嚐到陳醋嘅微酸，非常開胃，都係另一清新之選☺️🤎黑糖脆炸糍粑 $58我哋笑說呢個甜品嘅賣相其實有啲似豉油王煎腸粉，當然味道唔似啦！脆炸糍粑入口軟糯，伴以香甜嘅黑糖