茶聊 (已結業)

今日嚟咗旺角食午餐，之前見到有人推介過呢間，打卡都幾唔錯，今次就嚟試吓！午市有套餐，會跟餐湯，雜菜湯，好多嘅雜菜，味道濃郁。牛油果龍蝦肉配有機藜麥沙律跟蛋白卷，啖啖都有龍蝦肉，不過份量比我想像中嘅沙律較少，上班族如果想來食個清淡啲嘅沙律可能會唔夠。另外蛋白卷如果同時間上會更好。荷蘭汁煙三文魚牛油果Egg benedict，值得推介，煙三文魚唔吝嗇，配埋牛油果醬同荷蘭汁加上蛋汁，好滿足！有機10穀飯配海鮮跟蕃茄汁，用上10種唔同穀米，口感偏硬，不過就好健康，海鮮有蜆、青口同鮮蝦，海鮮整體好新鮮，爽口，配上蕃茄汁有啲似食risotto。飲品方面，有好多唔同選擇，叫左四季春芝士奶蓋同髒髒黑糖珍珠鮮奶。後者打卡一流，味道都唔錯，珍珠唔會太林太甜。