Mamaday (已搬遷) 新店位置

本身book左12點，準時到達現場，但都要企喺門口等左差不多十分鐘先正式開門俾客人入內，時間管理做得真心Mamaday......甫入店，就被店內裝潢吸引住，因為牆身嘅油畫同店內擺設都係非常之有特色，融合左復古、新潮、怪異、懷舊、宗教、文化等等等等嘅元素，而且配色方面十分之鮮艷同幻彩，淨係裝修風格都已經好有吸引力！唔怪之得呢間餐廳長期都full booking，原來真係好值得去觀摩架！食物方面，我地一行二人總共嗌左3樣食物+2杯野飲，分別係蒜蝦pizza、墨魚汁飯、明太子炸薯條、益力多柚子沙冰同埋檸檬果皮烏龍茶沙冰。野食嚟講非常新鮮熱辣，尤其係個薯條，入口果下差啲被佢"辣"親，真係啱啱炸起，口感鬆脆；至於墨魚汁飯略嫌普通，唔夠墨魚味，而且配料好少，成碟飯嘅海鮮現料都係得六七粒左右，但賣相都係唔錯嘅；蒜蝦pizza係驚喜！因為佢真係每塊pizza都有一隻蒜蝦，而且pizza有好多芝士鋪面，食落去滿滿嘅芝士味，又有蒜蝦嘅海鮮口感，非常惹味！野飲方面，沙冰比起出面嘅野飲鋪嚟講稍為遜色，主要係因為佢味道太淡，似飲緊有少少柚子/檸檬味嘅水，唔似一杯特色飲品。整體嚟講，Mamaday一啲都唔mam