紅伶飯店

营业中

休息中

平時想打冷第一時間就會諗起紅伶，地點方便，位於油麻地站C出口附近，食物質素幾好，如果一大班人黎食，就可以多啲選擇。今晚兩個人訂左枱八點，訂枱嘅時候已經預留咗一碟鵝片，因為第一次嚟食唔知道，所以冇留到冇得食，跟著每次都打電話留咗先。潮洲靚鵝片$159份量都幾多，唔會太肥，食到啖啖肉，鵝片下面仲有滷水豆腐，同滷水花生，配埋辣椒醬好食。椒鹽九肚魚$119炸得幾香，送啤酒一流，有好多細的魚骨刺，食嘅時候要小心。菜心炒鮮魷$129呢個啲魷魚有啲韌，菜心如果係用菜心苗會更好。潮州白粥$15碗唔夠熱，凍左少少。Sapporo啤酒$33係一大罐，兩個人飲剛好。