新匯聚打冷小廚 (已結業)

叫左個2人套餐$180，可以自己揀兩款小菜，包埋兩個白飯、無味精老火湯同是日甜品。鮮磨杏汁燉豬肺，豬肺洗得乾淨唔會有腥味，仲有雞腳、豬骨等湯料，飲落好鮮甜。椒絲腐乳炒通菜，醬汁惹味唔會過鹹，加埋炒得爽口既通菜係絕配。蜜糖薯仔牛柳粒，平時去大排檔必食嘅小炒，呢度炒得都幾夠鑊氣。薯仔粒外脆內軟，味道好香濃。散叫既香脆蠔餅，呢個幾有驚喜，蠔餅既份量十足，炸到金黃色脹卜卜，睇見都想食，而且蠔肉粒粒飽滿，鮮甜大隻。今餐3個小菜、1個小食、例湯、燉湯、白飯、甜品咁多野，食到勁飽先每人200有找，真係超抵食，平靚正推薦！