I Leisure (已結業)

Happy Friday我同朋友去左尖沙咀iSquare對面間樓上餐廳食手搖海鮮盤仲有其他野食。入到店內，環境舒適，仲有唔少打卡位添。餐牌上嘅選擇琳琅滿目，我地最後揀左幾樣主食同埋兩杯飲品，作為我地嘅晚餐。呢個手搖海鮮盤海鮮類型多，熱辣辣上，最特別嘅地方係用左餐廳自家調制嘅馬來西亞特色辣汁來到幫海鮮調味，係手搖過程中醬汁同海鮮混合，令海鮮都能夠吸到味。原來兩人同行都有著數，就係會送一份麻辣小龍蝦，無諗到佢個辣汁都好正。而我地仲嗌左德國咸豬手，上菜時已經拆好哂肉，方便我地去食，豬手非常入味，豬皮好酥脆香口，豬皮嘅油脂香再配飲品，確實不得了。