翔壽司 (已結業)

又出左尖沙咀搵食🤤想食壽司又唔想幫襯連鎖店，上openrice search到呢間位於厚福街既手握壽司小店，即刻book枱。Book左8點，不過由於真係小店，full晒，都係要等左幾個字位先有得入。非常日式壽司店既格局有散叫亦有set，好似啲set抵食啲，所以我地一人一個set。兩個set嗌既野差唔多。翔壽司比起一般壽司店既手握壽司好食，刺身厚切而且有鮮甜味，特別我地嗌左咁多魚都無腥味。每一舊飯既大小好適中，加左wasabi再夾刺身，而且連埋舊刺身握得好實，唔會一夾就散開👍🏻呢間小店既性價比十分高，可以encore！