和順記 (路德圍) (已結業)

炸雞脾關注組岀動！今次黎到一個連開兩間分店嘅和順記。招牌「神級雞髀皇」採用菠蘿、檸檬等水果醃製，令肉質更嫩滑！炸髀份量十足！幾乎大過隻手掌呀！▪️神級雞髀皇煎蛋飯 $65幾乎每枱都有嗌呢隻生炸雞髀！手掌咁大嘅雞髀 外皮酥脆 炸皮唔會太厚。經菠蘿汁醃製，肉質都幾嫩滑，但就唔算超juicy未到肉汁一湧而岀，邊邊位有小小乾。煎蛋飯可以揀瑞士汁、咖哩汁、沙爹汁、黑椒汁或者麻辣汁。瑞士汁就麻麻地，無乜味~ 不過好彩雞髀本身都夠味。