上戶酒場 (已結業)

今日2人行去九龍城食晚飯， 九龍城一向多好野食， 經過龍崗道見到有間日本餐廳， 門面裝修好有日本居酒屋Feel, 咁就入去食餐好野。是日晚餐北海道仙鳳趾生蠔鐵板貴妃蚌燒鴨胸煙燻沙白巨峰梳打乳酸梳打北海道仙鳳趾生蠔， 呢隻生蠔超級大， 同我的手掌有得揮， 咁大隻生蠔都係第一次食， 估唔到又新鮮又肥美， 無腥味， 超級正。鐵板貴妃蚌， 廚師用左少少酒帶起左貴妃蚌嘅鮮味， 彈牙， 新鮮， 香甜。燒鴨胸， 餐廳用左煙燻方式去做菜， 感覺好新鮮， 好香煙燻味道， 鴨胸肥瘦適中。煙燻沙白， 亦係用煙燻煮法， 沙白睇落細隻， 但其實肉地肥美。煙燻將沙白鮮甜味帶出， 但濃濃嘅煙燻味， 亦唔會搶到沙白鮮甜味。巨峰梳打， 乳酸梳打， 咁熱天氣飲啖有氣梳打， 掃走一身熱氣。店員好有禮貌， 每道餸都會介紹返點煮法， 值得加許。