擇膳而行 (裝修中)

嘩！ 今日喺紅磡做野路過呢間主打海南雞及台式食品的餐廳，決定試一試！見到餐牌有寫依間舖頭嘅前身係好出名嘅泰王海南雞店，係前股東開嘅，有沿用番前身嘅海南雞配方，而作為地膽既我，亦發現呢間新店衛生方面改善咗唔少。經過時，見到有好多附近工作嘅顧客買外賣海南雞飯及豬腩肉飯，於是我同朋友就決定試一下佢哋嘅二人套餐。😍二人套餐內有半隻無骨海南雞、一個主菜，主菜可以揀燒豬腩肉、燒豬頸肉或者叉燒滑蛋，我哋揀咗豬腩肉！套餐亦包一個油菜，油菜方面我哋揀咗生菜，仲有兩個油飯同兩杯嘢飲。嘢飲方面我哋揀咗一杯真正爆檸同埋一杯龍眼蜜！真正爆檸好正！比平時既檸茶酸，勁似食果啲勁酸檸檬🍋糖零食龍眼蜜都好足料，好清甜好潤喺等候期間，老板娘仲推薦我地食手抓餅，於是我地就叫咗一個芋泥肉鬆和一個鹽酥雞味我同朋友鐘意鹽酥雞味多啲，因為啖啖肉！又即叫即製，脆味一流於是，又追加咗個鹽酥雞同地瓜QQ棒小食！ 正呀！ 估唔到地瓜QQ棒係超級煙軔好味 最衰我地已經叫咗好多野，仲樣樣都好好味，否則就會再來多客呀