鰹烏冬 (寶華閣)

营业中

休息中

今日趁早食lunch去鰹烏冬試一試，餐廳設計似傳統日本麵屋所以座位唔多，平時lunch hour都要排隊，今次12點到就可以食到第一轉。雖然天氣好熱，我地都叫左熱烏冬(即係湯烏冬)，呢度冷氣係夠嘅。烏冬真係唔錯，質感夠煙韌彈牙，你可以睇到煮嘅過程，由一個新鮮麵餅放入滾水再過冷河。鰹魚清湯烏冬($46)比較傳統，配料唔多不過可以自己加天婦羅碎。鰹魚湯白味增鍋仔燒烏冬就會有多少少配料例如冬菇，牛肉同紅蘿蔔絲，但係價錢就要$80，湯嘅鰹魚味都冇咁濃。