真妮 (已結業)

行晒成層商場 應該有8成以上餐廳都係連鎖店 行到盡頭見到呢間個樣好特別 食既野又幾多元化既小店 大概7點幾 堂食坐左9成 外賣都唔少Menu上有小食、飲品、主食等等, 都幾多元化辣味雞塊表面佢好似黑蚊蚊, 但其實內裡好滑又好juicy. 調味非常之入味, 有少少辣. 無骨雞塊絕對可大大啖放入口蕃薯條有得賣蕃薯條既店其實唔算多，通常有我都會想試一試。真妮既蕃薯條係用左黃色既甜蕃薯，都算幾粗， 外表有少少脆既糖皮包住，好有層次。咖喱漢堡蛋包飯旋風型蛋皮，外貌一流，入面包住香口既珍珠米。咖喱係甜甜地既日式咖喱，份量剛剛好。而主角手打漢堡真係好出色，免治牛肉，外面煎得好香口，內軟，肉汁鎖住係入面，食過返尋味。三重芝士煙肉Pizza大概係2-4人既份量，佢個餅低係自家製，外皮脆，中心位置又厚厚地，上面塗上蕃茄醬， 再有大量我喜歡既菠羅，配咸咸既煙肉，好有層次。重點係佢既芝士， 有咸香好似一個薄膜咁既，又有D可以拉絲，正！抹茶Latte＋凍檸茶鮮奶加上大量抹茶粉，味道好濃，鐘意飲Matcha既你唔可以錯過。凍檸茶茶低夠濃，檸底開胃，炎熱天氣透心涼。