Tiramisu' Lab (已結業)

行過中環街市，見到呢間新開嘅tiramisu店，個人作為tiramisu達人當然要試下。舖仔細細，唯有買完即刻上樓上d公共用餐區食。佢都幾大個，正正方方，我覺得一個可以夠2個人share，散水餅買佢都幾體面。買左三個試下，經典，芒果同士多啤梨味。聽店員講都係最受歡迎嘅味。佢話蛋糕係全義大利材料製造。整體3個都好食，唔會太甜太膩。芒果味同士多啤梨味我之前都無係其他地方試過，都幾有驚喜，原來水果中和左tiramisu係咁特別。不過可能我食開原味，個人最鍾意都係經典原味。原味tiramisu蛋糕層柔軟濕潤，同咖啡嘅香濃味道完美融合，面頭嘅咖啡粉唔會太苦，足夠中和下面cream層嘅甜。奶油層豐潤濃郁，入口即溶，散發住淡淡嘅vanilla味。