佢另外都有買其他小食，例如炒粉麵、煎釀三寶等等，都見到係非常用心製作。炒粉麵係即叫即炒，而煎釀三寶每次炸定少量，然後差唔多賣晒再炸少量。之前食過一啲係一早炸定超級多，最後買嘅人就會得返啲凍冰冰嘅🥶
------------- ⇣ 食後感想 ⇣ -------------
🐟 自家手工製燒賣｜$16
望落$16好似好貴，但燒賣非常大粒，大概係平時size嘅兩倍，所以佢一份7粒其實都等於平日嘅14粒，而今次買咗2份。
燒賣非常彈牙，魚味亦濃郁，平時好驚食到啲麵粉咁好重嘅燒賣，呢度完全冇咁嘅問題。而家好多小食店都係拎啲叫貨燒賣嚟賣，所以呢間舖頭日日都手工包燒賣係非常少見，睇個形狀就知係手工製造。
不過自己覺得佢啲豉油同辣油爭咁啲啲，話晒燒賣同豉油辣油係perfect match，返屋企再加咗啲煲仔豉油同埋秘製辣椒油，感覺昇華好多。
------------------------------
/大家鍾意見嘅話請follow、like & comment，你地嘅支持係我更大嘅動力！/
📍 三寶皇 (馬鞍山)
馬鞍山恆錦街1號恆安商場地下恆安市場40號舖
食評只反映餐廳當日及該分店情況！
📸 打卡值 ▪ 💛🖤🖤🖤🖤 （但咁大粒都值得打個卡 ！）
😋 好味值 ▪ 💛💛💛💛🖤
💸 抵食值 ▪ 💛💛💛💛🖤
🤝 回頭值 ▪ 💛💛💛💛🖤
