Primo (已結業)

表姐生日，約佢出嚟去食意大利菜，我知道灣仔有間餐廳酒吧叫Primo，手工薄餅同意粉都唔錯，啱晒表姐胃口。餐廳分室內和室外座位，我哋揀咗室內入座。餐廳燈光柔和，環境唔會好嘈，好適合三五知己聚會。表姐最喜歡食手工薄餅，叫咗個經典肉食愛好者Pizza：材料有意大利辣肉腸、火腿、煙肉、香腸、洋蔥、甜椒、黑橄欖、水牛芝士和番茄醬。手工薄餅以不同的優質麵粉製成，薄底厚薄適中，剛出爐餅邊口感脆卜卜，中間鬆軟煙韌，豐富嘅材料和芝士蕃茄醬味道完美平衡，越食越美味！扇貝、蝦和煙肉卡邦醬意大利粉：用料有扇貝、蝦、煙肉、洋蔥、大蒜、白酒和奶油醬。卡邦尼意粉濃厚香滑，口感creamy,扇貝鮮味，蝦肉爽口，煙肉、洋蔥等惹味！香橙薑汁蜜糖雞翼：雞翼香口，肉質嫩滑，淋上甜蜜嘅醬汁，令人食不停口！