魚池拾捌 (已結業)

去開調景嶺，見到有新開的珍珠奶茶店，即係飲返杯先。點左中杯的四季青茶，加五穀珍珠，既可以試到佢的原茶味同招牌手作珍珠、又無咁高卡。下午三時左右，人潮未算好多，等左差不多10分鐘已經攞到杯茶。嗯，有差不多三分一杯的珍珠，份量足枰。呷左一啖，茶味不過不失，但手作珍珠真係有驚喜。有咬口 、煙煙韌韌、中間仲有d穀物纖維，真材實料，感覺都健康d，唔錯唔錯。飲完成杯茶，好有飽肚感，大滿足！