呢度主打泰國串燒同泰國菜，門口已經人山人海，氣氛勁正😍！
睇到咁多人都係為咗佢哋嘅串燒同埋同 SUNMAI 聯乘嘅手工啤，點可以唔試吓～🍺
成間餐廳裝潢好有泰國街頭味道，牆上有泰式壁畫，加埋音樂同燈光，坐低飲啤食串，好似真係飛咗去芭堤雅咁🏝️。
串燒方面真係每款都出色，豬、牛、雞、海鮮樣樣有：
勁香炭燒味，肉類串燒啖啖肉味之餘仲帶少少甜香；雞皮同豬頸肉都燒得啱啱好，外層香脆，入面保持嫩滑；魷魚鬚彈牙爽口，一口串燒，一口啤酒，好滿足！
🦐 大花蝦勁大隻燒得啱啱好，蝦肉新鮮又彈牙，味道鮮甜自然，真想食多幾隻！
🥗 泰式酸辣鳳爪沙律酸辣開胃，鳳爪爽脆得嚟唔油膩，醬汁調得好，食落好醒胃。
🍲 冬蔭功湯充滿泰國香料味，酸辣得嚟唔嗆喉，蝦味好濃郁，飲完又喺好開胃。
🍗 泰式去骨海南雞肉質嫩滑，雞皮爽口，配上特製辣醬，味道又香又好食。
仲試咗佢地聯乘SUNMAI 嘅手工啤，拎咗2025 嘅啤酒大獎架！
🍯 SUNMAI 蜂蜜啤酒帶有龍眼蜜香氣，入口清爽微甜，好易入口；
🍻 極濃啤酒麥芽味厚實，順滑又夾串燒，飲完勁滿足。
1
6
