梔子

营业中

休息中

梔子星期五放工約咗朋友去傾下計，轉入山林道，本來想食越南菜，經過呢間新開嘅小店，覺得個環境幾舒服，樓底好高，木製嘅座椅好cosy，門口仲有一個吧枱位置。呢度主打係飲手工啤，以硬皮紙製成的meun入面有幾版手工啤酒呢。另外仲有果昔、咖啡同埋特製咖啡。主菜選擇不多，有all day breakfast、通粉同埋意大利麵。燻牛肉bagel $98Bagel 真係要趁熱食，麵包裏面有香草味。燻牛肉bagel 好足料，薄切的牛肉同cream cheese，配合埋新鮮火箭菜，配搭很好。鮮什菌菠菜忌廉長通粉＄108長通粉嘅份量都幾多，佢嘅顏色係天然嘅綠色，唔似係人造色素呢，用菠菜汁加上忌廉煮成，每一條通粉都沾上忌廉汁，非常可口美味。餐廳主打手工啤，選擇好多，另外仲有清酒等等……試左手工啤酒加歷士，係梔子X lab product 。啤酒好容易入口，果味蓋過啤酒花味道，好適合女士飲用。如果想試晒四種口味，可以選擇＄98的四個shot ，有齊四種口味。雖然係半自助形式，不過Service 亦很好，店員好有耐性介紹每種手工啤酒，特意提醒bagel 一定要趁熱食。