龍點心 (軒尼詩道)

营业中

休息中

鐘意打卡四圍食既 吃貨，必定會嚟呢間 創意手工點心店朝聖。呢度點心各有特色，外觀精緻，食材搭出嚟創意味道，好有新鮮感，而且好好味，啱哂相機食先一族😂 ~~~~~~~~~~~~~~~~~~~~~~~~~~~~~~💫 －龍大滿足*酸菜魚鳯眼餃，味道好似酸菜魚，有少少麻辣感覺*松露野菌晶瑩餃，松露味濃，餃皮煙靱有口感*蟹粉菠菜香蝦餃，魚籽好鮮味，加上彈牙魚滑，正👍*鹹蛋黃墨魚燒賣，鹹蛋黃味重，有少少流沙，好好味。*筍尖蝦餃皇，皮薄，蝦夠彈牙爽口。*碗豆桃子，外層軟綿綿，有少少似湯包，＇啖咬落去，碗豆汁流出，味道清甜。💫 大澳蝦醬鮮魷卷外層薄脆，餡料有蝦醬，鮮魷碎，配搭出嚟味道幾特別。💫 鰻魚荷葉飯 香噴噴送到上枱，有金箔點綴，賣相美觀好多。鰻魚夠厚身肉嫩，飯份量都唔少。