Man Mano (已結業)

門口既環境有一個類似小拱門設計，好似去左外國既餐廳。入面既柔和燈光，有些座位設有橙色梳化，看上去就是愛馬士的顏色，每一張檯子上都設有一盞藍色蘑菇形的燈。半玻璃隔間入面見到有員工非常認真地製作緊手工制意粉，仲有一個小吧檯可以小酌一杯，餐廳最入面的檯都可以望到外面的風景，全都是落地玻璃窗。 Meatballs(每份3粒)$90香烤牛肉丸﹑香辣肉醬﹑蕃茄及羅勒。羅勒口感會較不青澀，氣味也較淡，與蕃茄配合更能添加風味！同中式牛肉丸不同，唔會係食落彈牙，相反，會食到入面有好多汁。 Crocchetta(每份3粒)$90蘑菇炸丸子及黑松露蛋黃醬。蘑菇同黑松露既味道好重，但兩者都冇蓋到大家既味道。Linguine Vongole$150蜆肉意粉﹑蜆﹑辣椒﹑大蒜。手工意粉經人手搓揉，表面凹凸，相對平滑的機製意粉更有掛汁的效果。