甜

营业中

休息中

餐廳簡約木系嘅設計，餐牌係手寫再過膠，帶住懷舊 feel，特別有溫度，感覺好似入咗一間街坊小店，增添咗親切感。環境簡約，座位舒適，氣氛輕鬆，適合慢慢歎甜品。🍽 Homie 拼盤適合想試多款鹹食嘅人。炸燒賣外脆內彈牙，燒雞翼醃得入味，單骨雞翼帶微辣，薯格炸得香脆，全部都係零食控會鍾意嘅組合。🧇 滑蛋蒲燒鰻魚窩夫窩夫外層香脆，內裡帶少少煙韌口感。滑蛋夠嫩，搭配蒲燒鰻魚，甜鹹交錯，意外地夾。蒲燒鰻魚醬汁味道濃郁，滲入窩夫後更加惹味。🥛 女仕恩物-薑奶兄用明治牛奶做底，薑味溫和，唔會太嗆，帶微微辛辣感。西米、八寶豆、芋圓令口感更豐富，每啖都有唔同層次，飲完暖胃又滿足。🥭 港式1杯杯-貳號芒椰奶底香甜濃郁，配上西米、芒果、雪燕、柚肉，層次豐富。芒果新鮮甜美，柚肉帶少少清新果酸感，令整體口感更清爽，唔會太膩。🧋 泰國珍珠奶茶梳乎厘班戟梳乎厘班戟質感輕盈細緻，入口即化。泰式珍珠奶茶醬味道濃郁，帶少少茶香，珍珠煙韌，甜度適中，食落好滿足。