Openrice一search，原來開左新分店！今次仲近左我地next station 食涼粉的地方~
一於黎新分店試下味道同份量一唔一樣先！
食甜品之前緊係要食飽左個肚先！所以就叫左個手卷加一個丼飯立食喇！
手卷叫左海膽加帆立貝~
都係即叫即整喇，所以紫菜都係好脆既~
帆立貝好厚肉，都好新鮮好甜
海膽的份量都好多，又長又厚，海膽味道甘香鮮甜，食完真係會上癮！
一個手卷當然唔夠飽喇！緊係要食多個丼飯！
叫左極尚刺身丼~
刺身丼材料極多！有帆立貝，甜蝦，三文魚，玉子同埋三文魚籽，飯粒酸度岩岩好，唔會搶咗食材嘅鮮味；三文魚肥美；帶子同甜蝦都好新鮮爽口，清甜美味，配襯埋甜甜地嘅玉子，好滿足呀！ 成個丼份量都好多！好飽好滿足呀！
手卷同丼飯既質素都相當之高，同新街的分店一樣！
能保持一貫的水準~
