魚川居 (已搬遷) 新店位置

餐廳分咗三個價錢既Menu，由$228至$478不等，主要都係海鮮種類又唔同，因為朋友唔係好食海鮮，所以我哋就揀咗最平嗰個餐，雖然話就話係最平，但其實佢可以選擇嘅嘢都好多🤣水煮魚（中辣）水煮魚嘅湯底入邊已經有少少唔同嘅配料，湯底香辣，而且用料十足，魚片係新鮮切出嚟😋職員仲好貼心叫我哋唔好煮咁耐，因為切得好薄所以好快熟，嫩滑既魚肉配上辣湯🤤鮑魚+肉蟹+帆立貝+花螺呢一個係每位都會送一份既海鮮，平時出面食嘅海鮮火鍋講到蟹，一定係一人半隻，但呢度係一隻俾你，又有肉又有膏，非常好食😍帆立貝大大粒，聽講仲係刺身級數。鮑魚亦都唔錯，爽口彈牙其他任食嘅配料可以填紙仔或者喺出邊凍櫃拎，款式都好多㗎，出邊嘅冬季仲有啲海鮮，舖頭絕對唔吝嗇，因為可以喺櫃入邊見到賴尿蝦，三點蟹，蜆，東風螺等等既海鮮….整體來講呢個價錢絕對抵食，經過朋友都可以試吓，可以幫襯下匿埋喺工廠區嘅小店。