茶樂 (已結業)

近排經過油尖旺，都會見到呢間飲品店的蹤影，今晚行過佐敦又見到呢間飲品店，咁岩行到又熱又口渴，於是就諗住買黎試下啦!呢間位於佐敦的飲品店，就係正彌敦道，人流暢旺，都幾多人買黎飲!我同友人看過餐牌後，每人點了一杯。粒粒芋頭鮮奶配手作紫薯珍珠($34)，一向中意飲芋頭鮮奶的我，見到呢度有，當然要試下。鮮奶夠滑，係真的芋頭鮮奶，唔係假芋頭味，飲到芋頭蓉而且唔係好甜，紫薯珍珠亦夠Q彈，係一杯不錯的飲品!櫻花樹下($36)，飲品的名字很美，其實是一杯宇治抹茶latte配手作櫻花珍珠。杯飲品明明綠色為何會叫櫻花樹下呢，相信是因為宇治抹茶的顏色在杯中頂部的位置，而櫻花珍珠就在飲品的底部，所以形成左"櫻花樹下"的效果!可惜當天沒有櫻花珍珠，所以點了白玉，白玉口感煙韌，配上宇治抹茶很match!這間飲品店其實還有很多不同的款式，有機會會再黎試試。