稻成京川滬 (新都會廣場)

因為想食扁平鴨
所以就入咗去試吓

主菜叫咗半隻扁皮鴨
另外，見到可以再加錢煮埋個湯
扁皮鴨冇記錯大概二百幾蚊左右
加埋煮個湯就好似加多$100
本身個湯有豆腐同埋有啲津白
份量都比較大，鍾意飲湯嘅朋友可以試吓
不過不失，我個人口味幾鍾意個湯，覺得幾好飲！

另外，叫咗醉雞做前菜，酒味道都算香嘅！

仲叫左咗個小籠包
小籠包比我想像中冇咁好食
因為我自己鍾意裏面個湯同埋個肉油份高啲
佢裏面個肉相對實淨啲
唔知係咪蒸得太耐？
唔夠滑身
冇乜豬肉油香嘅味道

位置都坐得舒服嘅
服務正常