聖安娜餅屋 (都會駅)

营业中

休息中

近排扁牛角酥好Hit，啲甜品店幾乎全部都有賣，行過見到呢間都出咗，價錢合理，就即刻買咗開心果味同朱古力味試下。首先，整體上個扁牛角酥嘅質感真係唔錯，咬落去層層酥脆，牛油香氣十足，仲未入口已經聞到陣陣香味，呢方面加分！開心果味嚟講，雖然有少少開心果香，但味道唔算太突出，如果唔係特別留意，可能會覺得係普通原味酥，少咗啲驚喜感。不過層次感仲有保留，算OK。至於朱古力味就出色好多，鍾意朱古力嘅應該會鍾意呢款。咬落去朱古力慢慢融化，配埋脆卜卜嘅牛角酥，一齊喺口入面散發出濃郁嘅香氣，口感真係幾豐富，食得幾滿足。不過，兩款都有一個小遺憾，就係得半邊有味，另一邊係普通原味。感覺上如果成塊都搽滿朱古力醬或者開心果醬，會更加過癮啲，味道集中啲。