睿和牛燒肉 (已結業)

其實餐廳乜都冇的話，係咪應該一早話俾人聽？星期六去食,兩個人叫兩個定食，一個吉列鹿兒島黑豚豬扒，一個和風薄燒牛肉飯(附剌身兩款共4切)，餐牌下面寫住包前菜，沙律，漬物，飯，湯和生果或甜品。落單後侍應話無晒飯， 得壽司飯接唔接受，我問係唔係凍嘅，佢話係，咁我地話ok，叫佢叮熱d飯。結果嘢食嚟到，一個無前菜、沙律、漬物、湯，另一個無前菜同湯，咁樣仲係唔係一個定食呢？ 其實如果無係唔緊要，喺落單嘅時候應該通知客人，而唔係上咗部分食物，客人食緊，先至話乜都無。最離譜係連刺身催左兩都無嚟到，係唔係應該去海關違反商品說明條例？我聽到隔離枱都有啲怨言，又係咩無，雖然有刺身，只係食左少少，可能佢哋都覺得伏。總之一句講晒服務態度差，食物質素差，可以唔洗幫襯。