波士頓快餐店

营业中

休息中

幾十年來由細到大，坐親101經過都會望多兩眼，終於早幾日幫襯咗佢一次，亦係呢半世人見過最癲嘅一碟楊州炒飯！嗰日差唔多兩點入到去，嗌咗一個楊州炒飯一個豬扒腸仔煎蛋飯，同兩杯嘢飲，其他嘢唔使講，成碟炒飯充滿鑊屎(請自行放大附圖查看)一陣𤓓味，我拎返去counter同個阿姐講嘅時候個阿姐話係咁個喎，我話燶個喎聞都聞到喎，跟住廚房入邊個師傅聽到行出嚟望一望碟飯，佢話冇嘢啊唔係燶啊，你食兩啖試吓先啦，我話我唔會食呢碟飯㗎你食啦，佢話咁你想點啊，我話我唔要喇，問佢有冇燴餸即有嗰啲，佢話冇喇，都係即整㗎，咁我話轉個叉燒煎蛋飯啦，唔該。其實自問真係真心支持啲小店老店，你碟楊州炒飯蝦都無粒真係唔係問題，明白有成本考慮，但係燶到𤓓喎！你自己炒嘅都聞到啦，仲要自己攞埋出嚟落埋枱俾個客，你真係冇資格做廚囉！希望你唔好諗住淨係做附近街坊或者返工人士就變咗焗人哋食咁啦。