影片
更多
2020-01-21
207 浏览
平時我係滴酒不沾嘅，估唔到老公話要帶我去一邊食串燒一邊啤一啤佢～因為佢游說咗我好耐，話間餐廳好正，啲嘢又好食，所以我唯有跟佢去一次啦～去到門口時心諗「呢度應該都係主打飲酒食吓小食架啫～大佬我未食飯架喎⋯⋯」點知一入到去打開個Menu，發現原來好多嘢食！個心即時定晒～老公一坐低就點咗杯 1664，老老豆豆我唔知咩嚟，但試飲咗一啖發現帶有果香之餘亦冇我好唔鍾意嘅啤酒苦味，幾易入口，結果我唔覺得飲咗佢1/3杯～我自己就叫咗海鹽柚子樂，其實就係將海鹽同柚子加入可樂中，帶有少少咸味，但又飲到柚子蜜嘅清甜味，我自己就幾鍾意呢個獨特嘅配搭啦！超肚餓嘅我馬上點咗香蒜蔥花廣島蠔、秘製風味羊肉串、炭燒豬頸肉、芝士松葉蟹棒同水牛城燒雞翼！我哋全部都揀咗小辣，全部都燒得啱啱好，味道濃郁得嚟又唔會覺得咸，呢度入面我最鍾意芝士松葉蟹棒，熱辣辣食真係好正！當我叫招牌茄子燒嘅時候，老公仲一臉嫌棄咁款，點知佢一試咗第一啖就大讚，仲話如果喺出面餐廳食一定唔會食埋塊茄子皮，因為會燒到燶晒，但呢度係成條茄子可以連皮食！！自從去完日本之後，我哋就冇食過鹽燒雞皮啦～脆卜卜咁真係燒得好惹味呀！好似返咗去日本食居酒屋咁～一啖雞皮一啖
估唔到老公話要帶我去一邊食串燒一邊啤一啤佢～
因為佢游說咗我好耐，
話間餐廳好正，
啲嘢又好食，
所以我唯有跟佢去一次啦～
去到門口時心諗「呢度應該都係主打飲酒食吓小食架啫～大佬我未食飯架喎⋯⋯」點知一入到去打開個Menu，
發現原來好多嘢食！
個心即時定晒～
老公一坐低就點咗杯 1664，老老豆豆我唔知咩嚟，
但試飲咗一啖發現帶有果香之餘亦冇我好唔鍾意嘅啤酒苦味，
幾易入口，
結果我唔覺得飲咗佢1/3杯～
我自己就叫咗海鹽柚子樂，其實就係將海鹽同柚子加入可樂中，
帶有少少咸味，
但又飲到柚子蜜嘅清甜味，
我自己就幾鍾意呢個獨特嘅配搭啦！
超肚餓嘅我馬上點咗香蒜蔥花廣島蠔、秘製風味羊肉串、炭燒豬頸肉、芝士松葉蟹棒同水牛城燒雞翼！我哋全部都揀咗小辣，
全部都燒得啱啱好，
味道濃郁得嚟又唔會覺得咸，
呢度入面我最鍾意芝士松葉蟹棒，
熱辣辣食真係好正！
當我叫招牌茄子燒嘅時候，
老公仲一臉嫌棄咁款，
點知佢一試咗第一啖就大讚，
仲話如果喺出面餐廳食一定唔會食埋塊茄子皮，
因為會燒到燶晒，
但呢度係成條茄子可以連皮食！！
自從去完日本之後，我哋就冇食過鹽燒雞皮啦～
脆卜卜咁真係燒得好惹味呀！
好似返咗去日本食居酒屋咁～
一啖雞皮一啖1664真係好嘆！
老公係超級鰻魚迷，佢最鍾意無骨、肉厚再加濃郁鰻魚汁嘅鰻魚，
而呢度嘅鰻魚就完全係佢杯茶！
鹽燒鯖魚個魚皮都燒得好脆，
點埋個酸酸哋嘅鯖魚汁真係好好味呀～！
而炭燒鴨胸係超～肥～厚！
大大舊質入口超滿足！
其實食到呢個Moment已經幾飽架啦～但老公話一定要試埋個自家製和牛棒同燒牛油帆立貝先！
個燒牛油帆立貝會唔會太大粒呀
肉質又夠軟熟，
超正呀喂！！
自家製和牛棒個質感好似漢堡扒咁好軟嫩呀～
咬落去仲要好Juicy～
再點埋個蛋黃+醬油嘅醬汁，
好食到已經打開埋第二個胃
不過食埋隻燒原隻魷魚串燒後真係飽到上心口～
魷魚串燒燒完一啲都唔乾唔硬，
估唔到串燒酒場都可以食到咁飽咁滿足！
門口仲掛住咗隻Pepe蛙添呀
张贴
