Darci by Aldou (已結業)

我知元朗係好多野食，今次我地搵到間有户外座位既西餐，下次可以帶埋狗狗一齊食，唔使漏底狗狗係屋企。好，坐底睇下有咩好食先。黑松露忌廉湯，加$28有是日餐湯，黑松露味重，濃多濃郁，加埋忌廉，好creamy 既口感。芬奴辣肉腸伏特加煮青口，青口有淡淡既酒味，加上有辣肉腸既咸味，好有係海邊食野既氣息。冬蔭功蟹肉意大利飯，好有驚喜，每一啖飯，感覺有冬蔭功湯既味，但又有椰香，椰香係黎自個醬汁，一絲絲既蟹肉連蟹子一齊放入口，好鮮甜好有爆發性。澳洲肉眼扒8安士，配沙律薯條燒汁，肉眼扒5成熟，食落牛味重，不過有些部位有點韌。薯條炸好脆，夠香口。跟餐飲品叫左玄米茶和凍檸茶。