風月堂 洋菓子BAR (已結業)

戲院售賣部一小角原來有間風月堂餐廳，主打意粉、窩夫、班戟。座位都唔少，而且環境夠清靜，可以慢慢坐；另外食物整得好快，員工有禮貌，今日同朋友一齊食一啲都唔貴，價錢相當平民化，都係大概六七十蚊左右。叫咗煙三文魚意粉：煙三文魚唔算腥，而且都幾好食；另外意粉整得好食，係我鍾意食比較彈牙又幼身嗰種，個醬汁都夠creamy。整體嚟講我覺得唔錯。另外，叫咗蕃茄長通粉。蕃茄味都算幾濃，長通粉煮得剛剛好，性價比真係幾高；而且午餐仲包飲品，我哋叫咗薑茶及熱柚子蜜。