LA FAMILLE (已結業)

屋企人生日，趁機會試吓啲未食過嘅蛋糕，諗起呢間來自日本都幾有人氣嘅蛋糕店，佢嘅戚風蛋糕的確做得幾好，蛋糕質感鬆軟，個cream都幾順滑又唔太甜，一人一個切都慳返😆，整體幾滿意，影相都靚!! 去到先知原來幾多味道可以揀，選擇困難症嘅我都企咗喺度揀咗好耐!! 🔘大甲香芋黑糖麻糬自己覺得呢個味道最好食，因為有煙韌嘅黑糖麻糬喺入面令口感更豐富，香芋味都好濃郁!! 🔘榛果炭燒咖啡呢個味道係店員推介，咖啡味唔算太濃，配合甜甜的榛子醬都幾夾!! 🔘日本柚子戚風蛋糕裏面混合左柚子皮粒粒，食落好香柚子味幾清新同特別d!! 🔘日本日向夏蜜柑 呢個係屋企人點名想食嘅，因為蛋糕上面有香甜嘅蜜柑，佢應該係想食到多啲生果😊，仲有少少金s箔作為點綴，但我食嗰一啖食唔到cream，試唔真個味🤭!!