LA FAMILLE

营业中

休息中

LaFamille 嘅戚風蛋糕出直都好出名，不過未曾一試。有幸地因為朋友們嘅生日，可以試到LaFamille唔同種味道嘅蛋糕。LamFamille嘅蛋糕唔算貴，細細個嘅size，每一個都夠2-3人share食。《香濃開心果》整個蛋糕呈翠綠色，外層有一層開心果朱古力脆皮，食起上嚟有香脆嘅口感。入層cream 鬆軟極致。《沖繩黑糖粟子》秋季意濃，係食用粟子嘅最好時機。蛋糕上佈滿甜蜜嘅粟子蓉，內層cream 份量適中，增加軟滑口感。《日本柚子戚風蛋糕》戚風蛋糕上層滿滿嘅新鮮水果，減少了cream 膩嘅口感，內層柚子與蛋糕嘅混合，食到淡而清新柚味。《英國伯爵茶》濃厚嘅伯爵茶葉與蛋糕混合得極之完美。蛋糕充滿伯爵茶嘅香，配上伯爵茶嘅cream, 不會遮蓋蛋糕本身嘅味道，更令味道昇華。《青森蘋果吉士紅茶》如果齋食蘋果粒會感到很酸，不過青森蘋果配上一口蛋糕，蘋果粒變得清新微酸，越食越上癮。《榛子阿薩姆奶茶》以印度榛子阿薩姆奶茶做蛋糕底，蛋糕有著奶茶嘅醇香，榛子奶油再配上焦糖，極為滋味。