La Famille (已結業)

上次已經去過ifc分店試 la famille嘅戚風蛋糕，今次再去銅鑼灣分店都仲係咁有驚喜：)叫咗個柚子戚風蛋糕🍰同白桃巴伐利亞本身個日去係同朋友慶祝生日，俾錢個陣係道研究佢啲靚靚生日牌同蠟燭，啲staff聽到就即刻話幫我地擺枝小蠟蠟點埋火，好貼心💙而個柚子蛋糕亦冇令人失望，除咗賣相好好睇之外，蛋糕質地十分鬆軟又好有柚子味🍊。中間嘅cream 就好大陣牛奶味，質感好輕盈。成個蛋糕協調得幾好，唔會食落好甜好滯。置於個白桃巴伐利亞，賣相都好令人驚喜，上層啫喱啲花食落都幾特別（之前未食過花😂），不過白桃就只係普通嘅罐頭白桃味，正正常常咁啦。另外鋪頭嘅環境好舒服，我地坐咗一段時間，就嗌多個朱古力紅茶，上嘅時候上埋個座，有枝小蠟燭一路熱住壺茶，隔咗一排再倒啲茶都仲熱到出煙。朱古力味唔重，不過味道都唔伏嘅，可以試吓。