翔壽司 (已結業)

因為上回同朋友食左間難食所謂ｆｕｓｈｉｏｎ 菜，我地要立即轉場去食其他野洗洗個口，所以揀左呢間立食壽司。其實我都係第一次食立食壽司，感覺企係度食野唔係幾舒服，唔會想食好多。唔知大家係咪都會咁呢？🤣🙌🏻呢間餐廳環境好細，極度細，叫嘢食睇睇如何先！1）三文魚刺身（＄２４／２片），細細片，好彩唔算薄切。我要２片一齊食先夠喉。仲要有魚鱗送😮，唔知想點。2）北海道帶子刺身（＄５０／２片），帶子唔知點解一開２😮，就當自己係２片😧，所以我都係２片一齊食先夠喉。3）海膽壽司🤤😋🤤😋（＄３０／件），好濃郁，好有海洋既感覺，唔臭唔腥，食左＝賺左！4）蟹肉蟹膏軍艦🦀（＄３０／件），唔差，🦀但食完海膽壽司再食呢個，覺得冇咩味。5）鰻魚卷（＄４５），一客有３件，覺得幾抵，😋鰻魚肥美。6）火炙鰻魚壽司（＄３０／件），好肥美😻，夠厚肉😋，好正！7）火炙三文魚壽司（＄１８／件），豐富脂香油香，😅但略微過熟，亦無火炙應有的焦香。8）芥辣八爪魚手卷🐙（＄１５／個），😅平價塞飽自己首選，冇乜特別，就係芥辣八爪魚。9）枝豆（$？），枝豆啱啱整出嚟好熱，鹽巴喺外面，內在冇乜味。唔知係咪正常，以前食開嘅冇咁熱。總括而言，間野唔差