更多
2008-03-21
20 浏览
14/3冇乜戲啱睇,bf話想搵D特別既野食,點特別先?佢居然上咗嚟openrice搵答案喎,咦!佢一向都唔做呢D野架,果然跟得我多吓…由於bf唔係”常客”,入到openrice版面就周圍look,見到有一欄寫住餐廳排行榜,就喺嗰度搵吓有乜野啱食喇!! 咦!好耐都冇去過鼎泰豐喇喎,不如就去紅磡咯,我話又話食鼎泰豐既,做乜要去紅磡呀?原來bf唔知嗰間已經冇做,亦冇留意到搬咗去尖沙咀,我就話佢知呢間係由台灣主野既,就係咁我地就出咗去尖咀喇…七點四十分左右到達,好多人喺門口等梗,同紅磡嗰間真係好大分別,有D期望tim,攞咗2人籌A148,宜家先叫到A5X,仲要等成90張飛,個知客同我地講大約70-80分鐘,都係搵D野打吓底先,於是就去咗Burger King同City Super喇…未夠九點回歸,叫到A12X都仲要等20幾張飛,好乖咁企到九點半左右,終於輪到我地喇,唔係太餓,點既野唔太多,想睇吓同之前嗰間有咩分別,就例牌叫返紹興醉雞,擔擔麵,牛肉湯麵同埋蟹粉小籠包喇!! bf話D雞唔錯,食得出係有用酒浸過,而唔係淋D酒上面就算,不過好細碟;我認為牛肉湯麵個湯淡咗D,但bf就話D牛味好夠;擔擔麵
由於bf唔係”常客”,入到openrice版面就周圍look,見到有一欄寫住餐廳排行榜,就喺嗰度搵吓有乜野啱食喇!! 咦!好耐都冇去過鼎泰豐喇喎,不如就去紅磡咯,我話又話食鼎泰豐既,做乜要去紅磡呀?原來bf唔知嗰間已經冇做,亦冇留意到搬咗去尖沙咀,我就話佢知呢間係由台灣主野既,就係咁我地就出咗去尖咀喇…
七點四十分左右到達,好多人喺門口等梗,同紅磡嗰間真係好大分別,有D期望tim,攞咗2人籌A148,宜家先叫到A5X,仲要等成90張飛,個知客同我地講大約70-80分鐘,都係搵D野打吓底先,於是就去咗Burger King同City Super喇…
未夠九點回歸,叫到A12X都仲要等20幾張飛,好乖咁企到九點半左右,終於輪到我地喇,唔係太餓,點既野唔太多,想睇吓同之前嗰間有咩分別,就例牌叫返紹興醉雞,擔擔麵,牛肉湯麵同埋蟹粉小籠包喇!! bf話D雞唔錯,食得出係有用酒浸過,而唔係淋D酒上面就算,不過好細碟;我認為牛肉湯麵個湯淡咗D,但bf就話D牛味好夠;擔擔麵係我食既,上檯時侍應特別吩咐要趁熱攪拌,冇諗過會咁似撈麵,冇乜湯,唔係太鍾意,詠藜園好似好食D;蟹粉小籠包D肉汁已經被個包索晒,應該唔係即叫即蒸,皮亦唔夠薄,食小籠包可能會好D,多人叫唔會擺咁耐;整體嚟講覺得一般,有D失望,可能係因為之前已經食飽咗啩,或者下次試吓之前唔食野再試多次啦!
十點之後好似冇乜人等位喇喎…
张贴