百樂小館 (已結業) 查看

旅行回来家姐第一时间约我饮茶交换手信，约 gathering 既推介一定要干净舒服，坐得阔落唔好迫。都仲要方便佢泊车㖞！真系千挑万选千呼万唤！最终因为姐夫系潮州人佢好钟意食呢间百乐小馆。解决左我哋选址嘅烦恼！饮茶。卤水粉面饭乜都有，尤其是佢哋带埋小朋友，我饮茶就钟意叹茶，我 ❤　蜜汁叉烧。好钟意食叉烧，我觉得好够味又够香，劲多汁，叉烧仲有少少焦香～！哗！好好味！好耐都冇试过食马拉糕啦！仲要成个笼仔咁样上，质感绵软，做到古法马拉糕的精髓，糖香味够独特。同埋叫咗我同家姐都好钟意食的鲍汁扣凤爪，果然好胶食完之后嘴边有痴笠笠嘅感觉，可以补充骨胶原喔～哈哈！鸡脚入哂味之余仲炆得好腍。其实饮茶我倾计多过食嘢，我哋都系钟意食点心，呢度啲点心真系几靓下！时菜鲮鱼球，鲜虾烧卖，烧卖猪肉与虾的比例均等，是半肥瘦算，弹牙又好味。香酥鱿鱼须，外皮香酥，鱿鱼须脆嫩可口。姜米鳕鱼粒炒饭，饭身炒到清爽无油，粒粒分明，鳕鱼有提味作用。女人嘅甜品开动，忙来忙去最想就系食花生汤圆。