我鐘意 (已結業)

喺荃灣搵食真係越嚟越煩，因為真係好多選擇，由貼地嘅街邊小食、茶記冰室大排檔，定係商場中西日韓菜，總之就係好多好多嘢揀啦！個M佬又成日無意見，無所謂，真係成個港女咁（佢話佢無所謂係因為想就晒我喎），所以今日搵食又係我話事，真係好煩呀！而今日就嚟到荃灣荃新天地，一於搵間令我恬靜閒情嘅餐廳 —— Amo La Pasta —— 我鍾意呀！黑松露野菌忌廉湯 / 海鮮濃湯 + 蒜蓉包：黑松露野菌忌廉湯同海鮮濃湯都要另外加錢，聞落都夠晒香，不過入口味道唔濃。其中海鮮濃湯仲有少少苦，可能龍蝦味重手咗。至於蒜蓉包就一流！脆卜卜同埋有好香嘅蒜蓉牛油味，加埋有小小燶，好好味呀！紐澳良卡脆香雞翼：雞翼係必點項目！炸到好香好脆，咬落去仲有好多肉汁流出嚟，熱辣辣又熱氣嘅嘢真係好好味呀！烤澳洲肉眼扒配紅酒汁：牛扒五成熟，肉質夠juicy，仲好腍身，醬汁就有淡淡清香紅酒味，同塊牛扒好match，不過，就略嫌細塊咗啲。除咗牛扒，最吸引一定係炸薯條，好脆又香薯仔味。印尼沙嗲雞煲配白飯：細細煲原煲上，雞肉又多又大件，夠滑又入味，沙嗲唔辣，但味道濃郁，撈飯一流！雲石蛋糕：晚餐附送嘅甜品，原本仲諗住會好甜好硬，但出奇地夠滑，