101肉燥飯專門店 (厚福街) (已結業)

Lunch time 我見幾多人食，呢度評分係46vs16，大比數嘅笑評，可能負評嘅人特別嘴刁，所以就滿有信心入去坐低咗。環境逼係唔緊要的，最緊要食物質素。叫咗豬軟骨肉燥飯同柑桔檸檬。豬軟骨：個味ok，但唔係豬軟骨，全部都係豬軟骨邊嘅肉碎，係似煲咗十年嘅柴到唔柴嘅肉... 成碟只有一小塊好可憐嘅軟骨。肉燥：係港式茶餐廳傳統嘅玻璃茨嘅肉燥，我稱之為鼻涕茨。無肉燥味。飯：我估唔夠水煲，好鞋口。柑桔檸檬：太太太太甜，有點喇喉... 入咗兩啖就放棄。