影片
更多
2013-09-16
131 浏览
夜晚七點幾去到要排隊，見到條龍有大約十個人，不過因為我地得兩個人，所以等左唔夠五分鐘就入到去啦。環境好暗，十足十以前睇電視偷情o個o的地方，幾有情調，但係響咁暗o既地方都見到o的刀刀叉叉唔係好乾淨(抹得甩o既)，睇嚟燈光好似唔夠暗...坐低睇餐牌，未計加一幾乎個個餐到過百，同簡介似乎有o的出入，可能之前個個都唔食餐呱...服務員會主動過嚟落單，lee樣幾好，之後幾前叫佢地都好快到。叫左一個什扒同一個大蝦牛柳五成熟，轉黑椒汁各加3蚊，首先嚟一個羅宋湯一個周打魚湯(本人想要酥皮，但係個姐姐話冇得加錢轉...)，兩個湯冇咩特別...普通茶記水準。收完湯就到兩個扒到，拎起扒布等佢淋汁上去，完全冇煙霧灕漫o既感覺，再用手摸落落鐵板...凍o既...中伏了...什扒有雞翼、腸仔、火腿、豬牛雞扒各一，雞翼咬開有紅色，食落有鹵水味，估計似街市鹵水雞翼再翻炸。腸仔就一般啦，可能我食開廚師腸，感覺唔係太好食。火腿同豬牛雞扒可以唔講...冇乜特別。大蝦牛柳個大蝦一上檯就已經切開左...方便食，但係o的蝦肉唔知做咩淋哂...牛柳亦過生...未成過咁生o既五成...餐飲兩杯凍檸茶，個杯好得意，「篤」完檸檬o的檸
見到條龍有大約十個人，
不過因為我地得兩個人，
所以等左唔夠五分鐘就入到去啦。
環境好暗，
十足十以前睇電視偷情o個o的地方，
幾有情調，
但係響咁暗o既地方都見到o的刀刀叉叉唔係好乾淨(抹得甩o既)，
睇嚟燈光好似唔夠暗...
坐低睇餐牌，
未計加一幾乎個個餐到過百，
同簡介似乎有o的出入，
可能之前個個都唔食餐呱...
服務員會主動過嚟落單，
lee樣幾好，
之後幾前叫佢地都好快到。
叫左一個什扒同一個大蝦牛柳五成熟，
轉黑椒汁各加3蚊，
首先嚟一個羅宋湯一個周打魚湯(本人想要酥皮，但係個姐姐話冇得加錢轉...)，
兩個湯冇咩特別...
普通茶記水準。
收完湯就到兩個扒到，
拎起扒布等佢淋汁上去，
完全冇煙霧灕漫o既感覺，
再用手摸落落鐵板...凍o既...
中伏了...
什扒有雞翼、腸仔、火腿、豬牛雞扒各一，
雞翼咬開有紅色，
食落有鹵水味，
估計似街市鹵水雞翼再翻炸。
腸仔就一般啦，
可能我食開廚師腸，
感覺唔係太好食。
火腿同豬牛雞扒可以唔講...冇乜特別。
大蝦牛柳個大蝦一上檯就已經切開左...方便食，
但係o的蝦肉唔知做咩淋哂...
牛柳亦過生...未成過咁生o既五成...
餐飲兩杯凍檸茶，
個杯好得意，
「篤」完檸檬o的檸檬會塞哂響個底度，
飲唔到最後o個一啖...
雪糕食落似細個食雪山雪糕，
同埋隻雪糕杯唔知點解摸落好油...
食完今次，
我諗下次請我都唔會再到...
张贴