影片
更多
2021-09-14
25 浏览
海膽盛宴，黎到無理由唔食海膽喎海膽幾食，唔係唔食呀嘛？門口感受住我眼睛，入到去又有啲日本感覺。打開餐牌第一頁已經係必食推介，咁吸引點樣唔叫呀🤤倍化帶子吞海膽 $88吸睛，我諗個個去到都會叫。大既帶子夾住海膽，大粒到真係差啲要吞，第一次咁食既我表示幾滿足。木板燒港膽 $88你無睇錯呀，係88蚊呀，我未食過係出面買係$88一板咁平架。仲要第一次食燒既膽，又幾好食喎，唔好燒完遮蓋左海膽嘅味道。仲包左幾塊紫菜同埋飯。全日定食好抵食，買左和風沙律，日式餐湯，加嘢飲都係幾蚊。佢個餐湯有驚喜，唔會鹹仲好多海帶，仲有豆腐同埋兩隻蜆。咁細知碗都咁足料。S3 爆膽丼 $168新鮮海膽點可以唔繼續食？佢呢款用咗韓國嘅海膽，鮮味都幾香，食得出新鮮，而且海膽唔少，仲有三文魚子。啲飯仲要好多，一定好夠飽。S4 松葉蟹雙重丼 $128嘩，蟹肉蟹膏呀係，好多既蟹膏呀係。佢嘅蟹膏撈埋啲飯個味啱啱好，蟹肉撈佢旁邊嘅蟹子同沙律醬，呢個食法絕對係完美組合。同埋我覺得佢啲飯林得來都好食，我飽到食唔曬呀。火炙左口魚壽司 $12左口魚我唔多解釋，鍾意食嘅人一定會食火炙鵝肝壽司 $28佢唔會話十分滯，而且我覺得唔貴又好食。海膽手卷
海膽幾食，唔係唔食呀嘛？
門口感受住我眼睛，入到去又有啲日本感覺。打開餐牌第一頁已經係必食推介，咁吸引點樣唔叫呀🤤
倍化帶子吞海膽 $88
吸睛，我諗個個去到都會叫。大既帶子夾住海膽，大粒到真係差啲要吞，第一次咁食既我表示幾滿足。
木板燒港膽 $88
你無睇錯呀，係88蚊呀，我未食過係出面買係$88一板咁平架。仲要第一次食燒既膽，又幾好食喎，唔好燒完遮蓋左海膽嘅味道。仲包左幾塊紫菜同埋飯。
全日定食好抵食，買左和風沙律，日式餐湯，加嘢飲都係幾蚊。
佢個餐湯有驚喜，唔會鹹仲好多海帶，仲有豆腐同埋兩隻蜆。咁細知碗都咁足料。
S3 爆膽丼 $168
新鮮海膽點可以唔繼續食？佢呢款用咗韓國嘅海膽，鮮味都幾香，食得出新鮮，而且海膽唔少，仲有三文魚子。啲飯仲要好多，一定好夠飽。
S4 松葉蟹雙重丼 $128
嘩，蟹肉蟹膏呀係，好多既蟹膏呀係。佢嘅蟹膏撈埋啲飯個味啱啱好，蟹肉撈佢旁邊嘅蟹子同沙律醬，呢個食法絕對係完美組合。同埋我覺得佢啲飯林得來都好食，我飽到食唔曬呀。
火炙左口魚壽司 $12
左口魚我唔多解釋，鍾意食嘅人一定會食
火炙鵝肝壽司 $28
佢唔會話十分滯，而且我覺得唔貴又好食。
海膽手卷 $38
滿膽都38咁平又鮮，食埋真係海膽宴啦。
我覺得呢間新鮮得黎仲要唔貴，海膽愛好者一定要食返次。
张贴
