Burger Home (已結業)

想試burger home好耐，一路都覺得要支持下小店，再唔支持要食既話就得番連鎖快餐😭今日S先生話試下，下畫去到人唔多，店員得一個，可見小店生意真係唔易，一腳踢....我本身想食既食爆醬牛肉漢堡，但人地想叫S先生又要叫一樣😤激死，第一次食緊係食唔同啦😒店主推介既123號次第3號-手打芝士牛肉漢堡（茄汁底）：講番個包，麵包唔係脆，比較「塔」，冇乜特別；菜好大棵😥又唔係特別爽身，可以細番少少；至於佢推介既牛肉就-好處：唔乾，有肉汁；唔好處-好「so」，本身係牛痴，咩級數既牛都鐘意，成日聽到唔鐘意食牛既人話牛有陣so味我都唔信，但竟然呢道主打牛肉會咁so😥點解既點解既？我真係好想比好評，但係我覺得....不過，我跟餐既趣樂雞（其實即係麥樂雞）都算好食，點既奇妙醬唔難食，但又唔覺得有咩特別😅至於S先生叫左果個爆醬牛肉漢堡，咬開真係有大量芝士湧出，的確感動，可惜，都係有so味😫2個人食$125其實唔貴，如果冇so味我一定會再黎.....同埋衛生都改善下最好，我地邊食邊有5-6隻蚊之定蚊飛黎飛去，係咁fing走佢地好攰，有d倒胃。