帝樂 - 德國餐廳 (美利樓) (已結業)

聖誕果日同朋友去食tea buffet，一入去已經覺得環境好正﹑好有氣氛。服務都好有效率，有禮貌又唔洗點等。講返最main 的食物先。量-食物種類唔多，但係對於tea buffet黎講就好足夠了。有pizza﹑沙律﹑三文台﹑5-6款甜品﹑朱古力噴泉﹑2-3款熱盆同生果麵包等。係露台仲有即煮意粉同煎雞奕﹑德國腸﹑扒﹑栗米等。所有野都refill得好快。質-朱古力軟心蛋糕真係好好味! 熱辣辣﹑朱古力好香濃，芝士味一樣咁正。d沙律同三文治比想像中好，尤其蛋沙律三文治。意粉就麻麻，d八爪魚好似唔熟咁，茄汁比較稀。d煎肉好味呀，最正就係table上有2種醬，一種係mustard 另一種甜甜地唔知係乜，但mix埋點d腸同扒就好好味。$98 + 10%好抵呀。如果以呢個價錢食其他地方食tea buffet，只會食埋d無料炒飯﹑難食沙律﹑茄汁芝士腸﹑無味tirumisu﹑豆腐花等.... so, 雖然有d遠，我都推介這個tea buffet。