影片
更多
2021-07-31
707 浏览
自從上次食完灣仔店，覺得硬係爭緊一個香蕉煎餅，於是約埋朋友仔放假去食上環店。成件事好誇張，因為一直都以為6:00開始入座，點知我睇錯左原來係咁6:30先開始，我地就係門口等15分鐘，諗下食咩今次都點左木瓜沙律，上環店係無咸蛋，但一樣咁開胃惹味，而且佢地配料比其他泰菜多，真係用泰國料同埋好有地道既味道（好想念）飲品今次點左passion fruit 同Thai milk tea.真心香港整thai milk tea formula 勁多，但係勁多都唔正宗，可以講既係唔同茶葉同沖法都會破壞左個味（泰國奶茶係拉出黎，唔係就咁沖就得，仲有用真泰國茶葉要小心控制水量同熱度，同埋甜度上，大部分扮野既泰國茶都做唔返個隻味，唔係甜左就係根本唔岩味），我有睇過灣仔店沖茶，所以每次都飲到泰國味，又唔會落太多甜水（其實落夠煉奶根本就唔應該溝咁多糖水）。至於passion fruit drink都係酸甜度岩岩好，唔會因為擺得耐就唔好飲。今次點左人人都講必點既蟹肉炒飯，我覺得係好惹味同即刻炒既，佢落左蟹肉，蛋，蔥花，菜甫同埋配左個辣魚露汁，熱辣辣上，飯粒同料都炒到好乾身同粒粒分明，仲有脆卜卜炸蒜同菜甫都好難唔好
今次都點左木瓜沙律，上環店係無咸蛋，但一樣咁開胃惹味，而且佢地配料比其他泰菜多，真係用泰國料同埋好有地道既味道（好想念）
飲品今次點左passion fruit 同Thai milk tea.真心香港整thai milk tea formula 勁多，但係勁多都唔正宗，可以講既係唔同茶葉同沖法都會破壞左個味（泰國奶茶係拉出黎，唔係就咁沖就得，仲有用真泰國茶葉要小心控制水量同熱度，同埋甜度上，大部分扮野既泰國茶都做唔返個隻味，唔係甜左就係根本唔岩味），我有睇過灣仔店沖茶，所以每次都飲到泰國味，又唔會落太多甜水（其實落夠煉奶根本就唔應該溝咁多糖水）。至於passion fruit drink都係酸甜度岩岩好，唔會因為擺得耐就唔好飲。
今次點左人人都講必點既蟹肉炒飯，我覺得係好惹味同即刻炒既，佢落左蟹肉，蛋，蔥花，菜甫同埋配左個辣魚露汁，熱辣辣上，飯粒同料都炒到好乾身同粒粒分明，仲有脆卜卜炸蒜同菜甫都好難唔好食，佢落蟹肉都幾闊綽，唔會似九龍城既泰菜館咁得表面裝飾個幾粒，至少食左二碗，每碗都有分佈平均既蟹肉碎。至於係唔係必點，都可以點既但又未到必點
泰北咖喱金牛麪
佢地用既麪超掛汁，而且咖哩係甜甜地唔太辣，好香椰汁味，配料都好多元化
有大量蔥，炸洋蔥條，芫茜，蔥頭，因為配料多令到佢相對味道更濃同有層次，佢地既牛腩都炆到入哂味，好juicy ,又唔會融哂，重點係佢地切到一口一粒唔係碎碎的！呢個就真心必點！我自己覺得佢比炒飯更出色！
香蕉煎餅配netella 以及斑蘭雪糕，我覺得係全香港最正宗既香蕉🍌煎餅！同埋必要加錢去加Nutella 同雪糕，佢煎到香蕉熱到融融地，加配埋Nutella ,好似返左曼谷食宵夜咁，我覺得自己可以食一整個！佢仲要整到脆脆厚身的，我極之推薦既甜品
佢地長期好多人
但都無影響到食物水平
希望係會一直永遠都咁好😂
张贴
