Pancake House HoiHoi (Megabox) (已結業)

我知呢间日本名古屋过江龙pancake店黎左香港好耐架啦，一直都想食，今晚终于的起心肝拉男朋友黎陪我食。我见佢目玉焼き风班戟系新出品，于是叫左呢个再加抹茶忌廉梳乎厘班戟，饮十胜红豆牛乳同焙茶牛奶。目玉焼き风班戟可以拣梳乎厘或夏威夷班戟，我拣左夏威夷班戟底。班戟个样好得意，唔食落口真系会以为上面个层系太阳蛋。原来蛋白系Mascarpone忌廉芝士，而蛋黄就系特制吉士。班戟比较干身，唔系松软个种。抹茶忌廉梳乎厘班戟配有红豆，班戟松软，抹茶忌廉食得出抹茶味，轻盈幼滑，配埋食几好。十胜红豆牛乳系冬日特饮，热牛奶加上甜甜既红豆。焙茶牛奶好浓焙茶味。